Ürümchide ötküzülgen xelq'araliq putbol we boks musabiqiliride Uyghur mahirlar zor netijige érishken

Muxbirimiz qutlan
2016-08-01
Share

30-We 31-iyul künliri ürümchidiki "Shinjang tenterbiye sariyi" da "Tengritagh yilpizi longqisi" yipek yoli yashlar xelq'araliq putbol musabiqisi bilen "Tengritagh xelq'araliq boks musabiqisi" birla waqitta heywetlik keypiyatta ötküzülgen.

Uyghur élidiki ammiwi tor betlirining xewirige qarighanda, mezkur musabiqilerge sahibxaniliq salahiyiti bilen qatnashqan yerlik komandilardiki Uyghur ezimetler yuqiri maharet bilen netije qazan'ghan.

Igilinishiche, 31-iyul küni axirlashqan "Tengritagh yilpizi longqisi" yipek yoli yashlar xelq'araliq putbol musabiqisining axirqi hel qilghuch musabiqiside "Shinjang 17 yashliqlar komandisi" gérmaniye "Shimaliy riyin-wéstfaliye ishtati 17 yashliqlar putbol komandisi" ni 3:0 netije bilen yéngip, töt meydan musabiqining ghelibisini toluq qolgha keltürgen we chémpiyon bolghan.

30-Iyul küni élip bérilghan "Tengritagh xelq'araliq boks musabiqisi" de Uyghur mahirlardin qurbanjan chong intayin az perq bilen giruziyelik reqibi teylorgha yéngilip qalghan bolsimu, emma Uyghur bokschiliridin toxti chong molla qazaqistanliq mahir merdanbékni, eziz éli taylandliq mahir fussani, zeybulla memet taylandliq mahir champanni, alim chayan xitay mahiri yang shyawlungni, alim tursun xitay mahiri lu chyangni, memettursun chong qazaqistanliq mahir maksimni yéngip axirqi ghelibini qolgha keltürgen.

Her sahediki közetküchiler bilen tenterbiye sahesidiki kespiy analizchilar bu qétimliq zor ghelibidin kéyin Uyghur diyaridiki yerlik tenheriketchilerning boks we putbol saheside kelgüsi üchün intayin chong yoshurun küchke ige ikenlikini perez qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.