Amérika kéngesh palata ezasi tam katon awam palatasining "Uyghur mejburi emgikini cheklesh qanun layihesi" ni tézraq maqullishini telep qildi

Muxbirimiz erkin
2021-07-19
Share

Amérika kéngesh palata ezasi tam katon awam palatasini "Uyghur mejburi emgékini cheklesh qanun layihesi" ni tézraq maqullap, prézidént baydénning imza qoyushigha sunushqa chaqirghan. Amérika kéngesh palatasi xitayning Uyghur we bashqa musulman az sanliq milletlerni xorlishi we keng kölemlik mejburiy emgekke sélishigha qarita 15-iyul "Uyghur mejburi emgékini cheklesh qanun layihesi" maqullighan idi. Qanun layiheside Uyghur élida ishlepchiqirilghan mehsulatlarning amérikagha import qilinishi birdek cheklen'gen.

Tam katon tiwittérda uchur yollap, "Awam palatasi bu qanunni derhal maqullishi we prézidéntning ‍mzalishigha yollishi kérek. Amérika mejburiy emgekni we diniy ziyankeshlikni qollimaydu," dégen.

Kéngesh palatasining bu qarari közetkichiler teripidin amérika hökümitining béyjingning Uyghurlargha qarita yürgüzgen "Irqiy qirghinchiliqi" ni jazalash yolidiki eng yéngi tedbirlirining biri, dep qaralghan.

Amérikadiki "Bayliq" zhornilining xewer qilishiche, nöwette nurghun amérika kiyim-kéchek shirketliri xitayda ishlepchirilghan paxtini ishlitishni toxtatqan. Xitay dunya paxta teminatning texminen 20 pirsentini igiligen bolup, xitay paxta mehsulatining 85 pirsenti Uyghur élida ishlepchiqirilidiken. "Bayliq" zhornilining éytishiche, nöwette amérikaning patagoniye, l. L. Bén, wiktoriye sékrétning igisi bolghan l. Brandis, ayallar kiyimi shirkiti-réformeyshin qatarliqtlar xitay paxtisi ishlitini toxtatqanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet