Awam palatasi tashqi ishlar komitéti awam palatasini Uyghur qirghinchiliqi heqqidiki qarargha tizdin bélet tashlashqa chaqirdi

Muxbirimiz nur'iman
2021-07-29
Share

"Amérika awazi" radiyosining 29-iyul bergen xewirige asaslan'ghanda, 28-iyul küni amérika awam palatasining tashqi ishlar komitétidiki jumhuriyetchiler partiyesidin kélip chiqqan ezalar awghustta dölet mejlisi dem élishtin burun uni hökümetning Uyghur rayonida dawam qiliwatqan irqiy qirghinchiliqni eyiblesh qararigha bélet tashlashqa chaqirdi.

Bu qararni awam palatasi tashqi ishlar komitétining re'isi we démokratlar partiyesining awam palata ezasi grégoriy w. Méks we komitétning jumhuriyetchiler partiyesining ezasi maykol makkol birlikte otturigha qoyghan. Ular amérika awam palatasining re'isi nensi pélusi xanimni awam palatasini heriketke keltürüp, xitay hökümitining Uyghurlargha qaratqan herikitini eyiblesh qararini qollishini teshebbus qildi.

Uyghur irqiy qirghinchiliqi we insaniyetke qarshi élip bérilghan jinayetlerge qarshi turush heqqidiki bu qarar 21-aprél awam palatasi tashqi ishlar komitétigha sunulghanidi.

Awam palatasi tashqi ishlar komitétining jumhuriyetchiler partiyesining ezasi makkal bayanatida mundaq dégen: "'irqiy qirghinchiliq' tarixi xataliq we insanliqqa yat. Men awam palatasining re'isi nensi pélusi xanimning awam palatasi tashqi ishlar komitétidiki ikkila partiye qollighan bu qarargha qoshulushini we awghustta dölet mejlisi dem élishtin burun bu qararni dölet mejlisige tapshurushini soraymen".

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet