Америка авам палатасида уйғурлар һәққидә йәнә бир қанун лайиһиси мақуллуқтин өтти

Мухбиримиз ирадә
2020-10-01
Елхәт
Пикир
Share
Принт

9-Айниң 30-күни америка авам палатасида «уйғур мәҗбурий әмгикини ашкарилаш қанун лайиһәси» авазға қоюлуп, 163 гә қарши 253 аваз билән авам палатасида мақуллуқтин өтти.

«Җәнубий хитай әтигәнлик гезити» ниң хәвәр қилишичә, бу қанун лайиһәсини америка дөләт мәҗлисиниң демократчилардин болған әзаси җеннифер вектон ханим оттуриға қойған болуп, бу қанун америкада тизимға алдурулған ширкәтләрниң хитайдики уйғур мәҗбурий әмгики билән алақиси бар-йоқлуқини ашкарилашқа қистайдикән. Қанун мақулланған тәқдирдә шеркәтләр өз мәһсулатлирида ишлитилгән материялларниң келиш мәнбәсини, униңда мәҗбурий әмгәкниң бар-йоқлуқини қәрәллик һалда доклат қилип турушқа мәҗбур болидикән.

Мәзкур қанун лайиһәсини қоллиған америка дөләт мәҗлиси әзалири, бу қанун арқилиқ хитай һөкүмитиниң уйғурларни мәҗбурий әмгәккә селишини чәклигили болидиғанлиқи вә ширкәтләрниң уйғур мәҗбурий әмгикидин пайда елиши билән үнүмлүк һалда көрәш қилғили болидиғанлиқини билдүргән.

Техи алдинқи һәптә америка авам палатасида «уйғур мәҗбурий әмгикини чәкләш» намлиқ бир қанун лайиһәси мутләқ көп қисим аваз билән тәстиқланған иди. Бу қетимлиқи америка авам палатасида икки һәптә ичидә уйғур мәҗбурий әмгикини чәкләшкә мунасивәтлик авазға қоюлған иккинчи қанун лайиһәси болуп һесаблиниду.

Пикирләр (0)
Share
Толуқ бәт