Amérika awam palatasida Uyghurlar heqqide yene bir qanun layihisi maqulluqtin ötti

Muxbirimiz irade
2020-10-01
Share

9-Ayning 30-küni amérika awam palatasida "Uyghur mejburiy emgikini ashkarilash qanun layihesi" awazgha qoyulup, 163 ge qarshi 253 awaz bilen awam palatasida maqulluqtin ötti.

"Jenubiy xitay etigenlik géziti" ning xewer qilishiche, bu qanun layihesini amérika dölet mejlisining démokratchilardin bolghan ezasi jénnifér wékton xanim otturigha qoyghan bolup, bu qanun amérikada tizimgha aldurulghan shirketlerning xitaydiki Uyghur mejburiy emgiki bilen alaqisi bar-yoqluqini ashkarilashqa qistaydiken. Qanun maqullan'ghan teqdirde shérketler öz mehsulatlirida ishlitilgen matériyallarning kélish menbesini, uningda mejburiy emgekning bar-yoqluqini qerellik halda doklat qilip turushqa mejbur bolidiken.

Mezkur qanun layihesini qollighan amérika dölet mejlisi ezaliri, bu qanun arqiliq xitay hökümitining Uyghurlarni mejburiy emgekke sélishini chekligili bolidighanliqi we shirketlerning Uyghur mejburiy emgikidin payda élishi bilen ünümlük halda köresh qilghili bolidighanliqini bildürgen.

Téxi aldinqi hepte amérika awam palatasida "Uyghur mejburiy emgikini cheklesh" namliq bir qanun layihesi mutleq köp qisim awaz bilen testiqlan'ghan idi. Bu qétimliqi amérika awam palatasida ikki hepte ichide Uyghur mejburiy emgikini chekleshke munasiwetlik awazgha qoyulghan ikkinchi qanun layihesi bolup hésablinidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.