Америкадики уйғурлар "уйғур кишилик һоқуқ қанун лайиһәси" ниң мақуллиниши үчүн һәрикәткә өтти

Мухбиримиз ирадә
2019-12-02
Share

Америкадики уйғур җамаити "уйғур кишилик һоқуқ қанун лайиһәси" ниң мақуллинишини тезлитиш үчүн паал һәрикәткә өтти.

2-Декабир дүшәнбә күни америка уйғур бирләшмисиниң орунлаштуруши бойичә пайтәхт вашингтон әтрапидики бир қисим уйғурлар бирликтә америка дөләт мәҗлисидики паалийәтлирини башлиған.

Паалийәт тәшкиллигүчилириниң бири болған әлфидар илтәбирниң радийомизға билдүрүшичә, әтә йәни 3-декабир күни "уйғур кишилик һоқуқ қанун лайиһиси" ниң америка авам палатасида авазға қоюлидиғанлиқи һәққидә хәвәр кәлгәндин кейин, америка уйғур бирләшмиси башлиқи қуззат алтай җамаәткә җиддий чақириқ елан қилған. Чақириққа асасән дүшәнбә күни әтигәндила дөләт мәҗлисигә йиғилған 40 тин ошуқ киши 13 гуруппиға бөлүнүп, уйғур қанун лайиһәсигә техи қол қоймиған  авам палата әзалириниң ишханилирини зиярәт қилип, улардин мәзкур қанун лайиһисини қоллашни тәләп қилған.

Мәлум болушичә, мәзкур қанун лайиһиси 3-декабир күни чүштин кейин авазға қоюлидиған болуп, уйғур паалийәтчиләр әтиму бу җәһәттики паалийәтлирини давамлаштуридикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт