Amérikadiki Uyghurlar "Uyghur kishilik hoquq qanun layihesi" ning maqullinishi üchün heriketke ötti

Muxbirimiz irade
2019-12-02
Élxet
Pikir
Share
Print

Amérikadiki Uyghur jama'iti "Uyghur kishilik hoquq qanun layihesi" ning maqullinishini tézlitish üchün pa'al heriketke ötti.

2-Dékabir düshenbe küni amérika Uyghur birleshmisining orunlashturushi boyiche paytext washin'gton etrapidiki bir qisim Uyghurlar birlikte amérika dölet mejlisidiki pa'aliyetlirini bashlighan.

Pa'aliyet teshkilligüchilirining biri bolghan elfidar iltebirning radiyomizgha bildürüshiche, ete yeni 3-dékabir küni "Uyghur kishilik hoquq qanun layihisi" ning amérika awam palatasida awazgha qoyulidighanliqi heqqide xewer kelgendin kéyin, amérika Uyghur birleshmisi bashliqi quzzat altay jama'etke jiddiy chaqiriq élan qilghan. Chaqiriqqa asasen düshenbe küni etigendila dölet mejlisige yighilghan 40 tin oshuq kishi 13 guruppigha bölünüp, Uyghur qanun layihesige téxi qol qoymighan  awam palata ezalirining ishxanilirini ziyaret qilip, ulardin mezkur qanun layihisini qollashni telep qilghan.

Melum bolushiche, mezkur qanun layihisi 3-dékabir küni chüshtin kéyin awazgha qoyulidighan bolup, Uyghur pa'aliyetchiler etimu bu jehettiki pa'aliyetlirini dawamlashturidiken.

Toluq bet