Хитай һөкүмити йәнә бир қетим уйғур дияридики қирғинчилиқни инкар қилди

Мухбиримиз әзиз
2022.06.07
Share on WhatsApp
Share on WhatsApp

Йеқинда ашкара болған “шинҗаң сақчи һөҗҗәтлири” намидики мәхпий архиплар дуня миқясида зор ғулғула қозғиғандин кейин хитай һөкүмити йәнә бир қетим кона муқамни тәкрарлап “шинҗаңдики һәр милләт хәлқи бәхтияр турмуш кәчүрмәктә” деди.

Хитай һөкүмити башқурушидики “хитай хәвәр тори” ниң 7-июндики хәвиридә ейтилишичә, хитай ташқи ишлар министирлиқиниң баянатчиси җав лиҗйән шу күни ечилған мухбирларни күтүвелиш йиғинида мухбирларниң бу һәқтики соаллириға җаваб берип “америка һөкүмити аталмиш ‛ирқий қирғинчилиқ‚ вә ‛мәҗбурий әмгәк‚ төһмәтлири арқилиқ йәнә бир мәйдан оюн ойнаватиду” дегән. Шуниңдәк америка һөкүмитиниң хитайдики муқимлиқни бузуп ташлаш урунушида болуп келиватқанлиқини, буниңдики әң яхши чарә қатарида уларниң уйғурларни күшкүртүп малиманчилиқ пәйда қилиш һәмдә шу арқилиқ хитайни ички җәһәттин қалаймиқанчилиққа гириптар қилишқа күч сәрп қиливатқанлиқини, “ирқий қирғинчилиқ” дегән сөзләрниң пүтүнләй америка һөкүмити пәйда қилған ялғанчилиқ икәнликини тәкитлигән.

Һалбуки хитай һөкүмитиниң өзлири сақлиған архип һөҗҗәтлири лагерлардики зулумниң кишиләр ойлиғандинму қәбиһ икәнликини көрситиватқанда хитай һөкүмитиниң бу хил инкарчилиқ позитсийәдә болуши уйғур дияридики қирғинчилиқниң техиму әвҗигә чиқидиғанлиқидин бешарәт, дәп қаралмақтикән. Бу һәқтә радийомиз зияритини қобул қилған лагиршунас мутәхәссисләрдин доктур адрян зенз “бу маддий һөҗҗәтләрни хитай һөкүмити қандақ шәкилдә инкар қилипму дуняни алдиялмайду” дегәниди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт