Xitay hökümiti yene bir qétim Uyghur diyaridiki qirghinchiliqni inkar qildi

Muxbirimiz eziz
2022.06.07
Share on WhatsApp
Share on WhatsApp

Yéqinda ashkara bolghan “Shinjang saqchi höjjetliri” namidiki mexpiy arxiplar dunya miqyasida zor ghulghula qozghighandin kéyin xitay hökümiti yene bir qétim kona muqamni tekrarlap “Shinjangdiki her millet xelqi bextiyar turmush kechürmekte” dédi.

Xitay hökümiti bashqurushidiki “Xitay xewer tori” ning 7-iyundiki xewiride éytilishiche, xitay tashqi ishlar ministirliqining bayanatchisi jaw lijyen shu küni échilghan muxbirlarni kütüwélish yighinida muxbirlarning bu heqtiki so'allirigha jawab bérip “Amérika hökümiti atalmish ‛irqiy qirghinchiliq‚ we ‛mejburiy emgek‚ töhmetliri arqiliq yene bir meydan oyun oynawatidu” dégen. Shuningdek amérika hökümitining xitaydiki muqimliqni buzup tashlash urunushida bolup kéliwatqanliqini, buningdiki eng yaxshi chare qatarida ularning Uyghurlarni küshkürtüp malimanchiliq peyda qilish hemde shu arqiliq xitayni ichki jehettin qalaymiqanchiliqqa giriptar qilishqa küch serp qiliwatqanliqini, “Irqiy qirghinchiliq” dégen sözlerning pütünley amérika hökümiti peyda qilghan yalghanchiliq ikenlikini tekitligen.

Halbuki xitay hökümitining özliri saqlighan arxip höjjetliri lagérlardiki zulumning kishiler oylighandinmu qebih ikenlikini körsitiwatqanda xitay hökümitining bu xil inkarchiliq pozitsiyede bolushi Uyghur diyaridiki qirghinchiliqning téximu ewjige chiqidighanliqidin bésharet, dep qaralmaqtiken. Bu heqte radiyomiz ziyaritini qobul qilghan lagirshunas mutexessislerdin doktur adryan zénz “Bu maddiy höjjetlerni xitay hökümiti qandaq shekilde inkar qilipmu dunyani aldiyalmaydu” dégenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.