Uyghur irqiy qirghinchiliqi mesiliside xitay hökümitini eyibleydighan döletlerning sani barghanche köpiyishke bashlighan

Muxbirimiz eziz
2022.06.15
Share on WhatsApp
Share on WhatsApp

14-Iyun küni birleshken döletler teshkilati (b d t) kishilik hoquq aliy kéngishide ötküzülgen mejliste 47 dölet birleshme bayanat élan qilip, xitay hökümitining Uyghurlargha qilghan mu'amilisini keskin tenqidligen.

Fransiye xewer agéntliqining bu heqtiki xewiride éytlishiche, bu qétimliq birleshme bayanatqa imza qoyghanlarning biri bolghan gollandiyening b d t da turushluq bash elchisi pa'ul békkérs (Paul Bekkers) özlirining Uyghurlar duch kéliwatqan éghir ré'alliqtin bekmu endishe qiliwatqanliqini bildürgen. U mundaq dégen: “Bir milyondin artuq Uyghurning lagérgha qamalghanliqi hemde Uyghurlargha qarshi zulumning barghanséri kéngiyiwatqanliqi heqqide hazir bekmu ishenchlik melumatlar otturigha chiqiwatidu”. Isra'iliyening b d t da turushluq bash elchisimu ikkinchi qétim bu birleshme bayanatqa imza qoyghuchilar qataridin orun alghan.

B d t kishilik hoquq aliy kéngishi yéqinqi mezgillerde izchil Uyghurlar mesilisi tüpeylidin tenqidke duch kéliwatqan bolup, bu xil tenqida sadaliri mishél bachélétning Uyghur diyaridiki ziyaritidin kéyin téximu ewjige chiqqan. Bolupmu ularning hazirghichimu Uyghurlar heqqidiki doklatni élan qilmay bésip qoyushi hemde xitay hökümitini Uyghur diyaridiki qirghinchiliq mesiliside eyiblimesliki, dunyaning küchlük diqqitini qozghighan idi. Kishilik hoquqni közitish teshkilati xitay bölümining diréktori sofi richardson 14-iyun küni élan qilghan bu heqtiki obzor maqalisida éniq qilip: “Mishél bachélétning ishenchliklik derijisi yéqinqi ziyarette éghir xirisqa duch kéliwatidu. Bachélét ziyaret qilghan jaylarda insaniyetke qarshi jinayetler hélihem dawam qiliwatqan ehwalda, u tézdin bésip qoyulghan doklatni élan qilishi lazim,” dep körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet