London uniwérsitétining sherqshunasliq we afriqa tetqiqat inistituti oqughuchiliri Uyghurlargha hemdemde bolush herkiti bashlighan

En'giliye london uniwérsitétining sherqshunasliq we afriqa tetqiqat inistituti oqughuchiliri 11-öktebirdin 15-öktebirgiche mektep qorusida Uyghurlargha hemdemde bolush herkiti bashlashni pilanlighan. Mezkur heriketni bu inistituttiki “Uyghurlargha hemdemde bolush jem'iyiti” namliq bir oqughuchilar guruppisi tekilligen.

Mezkur oqughuchilar guruppisining 3-‍öktebir torda élan qilghan bayanatida, yashlardiki Uyghurlargha bolghan diqqetning künséri küchiyishini konkirét heriketke aylandurup, uniwérsitét ehlining téximu diqqitini qozghash, irqiy qirghinchiliqqa hemdemde boluwatqanlargha bésim ishlitish üchün bu pa'aliyetni qozghighanliqini bildürgen.

Melum bolushiche, oqughuchilar 11-öktebir küni mektep qorasida ammiwiy sorunlarni qurup, kishilerni Uyghurlar uchrawatqan weziyet we sherqiy türkistandiki bashqa az sanliq milletler duch kéliwatqan basturushqa a'it uchurlar bilen teminleydiken, shundaqla kishilerni bu pa'aliyetke qatnishishqa chaqiridiken. Oqughuchilar guruppisi bayanatida yene ‍özlirining kishilerni 13-öktebir küni Uyghur mejburi emgikige chétishliq, dep qaralghan alma, adidas, nayki, tésko, séynisburiy qatarliq dangliq markilargha qarshi ‍ötküzülidighan namayishqa qatnishishqa teklip qilidighanliqini bildürgen.

Bayanatta éytilishiche, namayishta Uyghur rayonidin kelgen xam üshya yaki mehsulatlarni toxtitishni, shirketlerning Uyghur mejburiy emgiki bilen bolghan munasiwitini ‍üzüshini, Uyghur rayonining sirtidiki hökümetning emgek küchlirini yötkep ishlitish programmisigha qatniship, Uyghur yaki bashqa türkiy musulmanlirini ishletken karxanilarning mehsulatlirini chekleshni telep qilidiken.