Dilshat rishit xitay hökümitini ramzan mezgilide Uyghurlarning dini pa'aliyetlirini kontrol astigha élishtin waz kéchishke chaqirdi

Dunya Uyghur qurultiyi bayanatchisi dilshat rishit bügün mexsus bayanat élan qilip, xitay hökümitidin ramzan mezgilide Uyghurlarning diniy we milliy örp-adetlirige hörmet qilishni, Uyghurlarning erkin roza tutushi we yaki bashqa diniy pa'aliyetler bilen shughullinishini cheklimeslikni telep qildi.

Dilshat rishit sözide xitay hökümitining milliy we diniy bésim siyasitining rayondiki weziyetni téximu ötkürleshtürüwetkenlikini eskertip “Biz xitay hökümitining yéqinda yüz bergen weqelerdin sawaq élip, Uyghur xelqining normal hayati we diniy étiqadini kontrol astigha élishtin waz kéchishini ümid qilimiz” dédi.

U yene, da'irilerning muqimliqni qoghdash nami astida rayondiki bixeterlik küchliri we xewpsizlik tedbirlirini mislisiz derijide köpeytkenlikini tenqid qilip, xitay hökümitini ramzan mezgilide xelqqe qoralliq heywe qilishni toxtitishqa chaqirdi.