Uyghur élide bir ay ichide 32 mingdin oshuq kishining ishqa orunlashturulushi diqqet qozghidi

Muxbirimiz irade
2022.09.01
Share on WhatsApp
Share on WhatsApp

Xitay da'iriliri 8- ay axirighiche Uyghur élidiki sheher-bazarlarda 32 ming 800 ish orni yaritilip Uyghur élidiki ishqa orunlishish ehwalining muqimliqini saqlighanliqini ilgiri sürgen.  

“Xitay xewerler tori”ning bu heqte tarqatqan xewiride éytilishiche, “ Bu yil awghusttin bashlap ishchi qobul qilidighan 1500 din artuq xojayin da'iriler teripidin orunlashturulghan 100 meydan tor arqiliq qétimliq xizmetchi qobul qilish pa'aliyitige qatniship, 24 mingdin artuq ish ornigha adem qobul qilghan. Bu pa'aliyetke 36500 adem qatnashqan”   

Xitay hökümiti yéqinqi yillarda  “Yézilardiki éshincha emgek küchlirini ishqa orunlashturush” namida Uyghurlarni xitay shirketliridiki emgek küchlirige aylandurush istratégiyelik pilanini bashlighanidi. Awstraliyediki (ASPI)  tetqiqat merkizi élan qilghan bu heqtiki bir doklatta Uyghur emgek küchlirining  xitaydiki tor betlerde xuddi qullargha oxshash top – top halda xitay xojayinlar teripidin yalliniwatqanliqi we sétiliwatqanliqini ashkarilap zor ghulghula qozghighan.

Xitay hökümitining nöwette Uyghurlarni mejburiy emgekke séliwatqanliqi we buni Uyghurlargha qaritiwatqan irqiy qirghinchiliqning bir parchisi süpitide ijra qiliwatqanliqi xelq'araliq kishilik hoquq organliri teripidin birdek étirap qilinmaqta.  

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.