Uyghur rayonida bir künde 410 wirus yuqumdari köpeygen

Muxbirimiz jewlan
2022.08.12
Share on WhatsApp
Share on WhatsApp

Xitay taratqulirida yéngi wirus yuqumdarliri heqqide köplep xewerler bériliwatqan bolup, 12-awghust künidiki eng yéngi melumatqa qarighanda, 11-awghust küni Uyghur rayonida késellik alamiti yoq wirus yuqumdaridin 410 adem köpeygen.

Buning ichide ghulja shehiridin 136, ürümchi shehiridin 87,  ghulja nahiyesidin 73, qutubi nahiyesidin 67, turpan shehiridin 19, qomul shehiridin 9, chöchek shehiridin 1, aqsuning toqsu nahiyesidin 1, bay nahiyesidin 1, bortala shehiridin 3, xoten shehiridin 3, korla shehiridin 2, qeshqer shehiridin 4,  qaghiliq nahiyesidin 2 adem köpeygen.

Bu xewerlerde körsitilishiche,  Uyghur rayonida hazirghiche 1317 adem késellik alamiti yoq tajsiman wirus bilen yuqumlan'ghan, ili oblastida 936 adem yuqumlan'ghan bolup, yuqum eng éghir jay hésablinidiken, uningdin qalsa ürümchi shehiri bolup, 178 adem yuqumlan'ghan. Sanjining qutubi nahiyeside yuqumlan'ghuchilar 104 ademge yetken.

     Hazir xitayning ijtima'iy alaqe taratqulirida “Shinjang barsa kelmes jay” dégendek témilarda uchurlar tarqilip yürüwatqan bolup, xitay sayahetchiliri ürümchi ayroporti we bashqa jaylardiki qatnash béketliride qapsilip qalghan we karantin'gha élin'ghan.

Amérikada chiqidighan“Breitbart Xewerliri” torida élan qilin'ghan bir xewerde körsitilishiche, xitay hökümiti hazir tajsiman wirustin paydilinip Uyghurlarni téximu qamal qilip, ularning turmushigha, hetta hayatigha éghir xewp yetküzmekte iken.  

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.