Қазақистан уйғур кино режиссориниң филими хәлқаралиқ мукапатқа еришти

Мухбиримиз үмидвар
2017-06-18
Share

Қазақистан мәтбуатлириниң хәвәр қилишичә, йеқинда австрийәниң ленсиң шәһиридә болуп өткән "дөләтләр фестивали" дәп аталған 45-қетимлиқ хәлқара кино фестивалида қазақистан уйғур режиссори бәхтияр исламофниң "әдиб яшаватқан җай" мавзулуқ қисқа филими "әң яхши тәҗрибилик филим" мукапатиға еришкән.

55 Дөләттин 1000 дин артуқ филим қатнишидиған мәзкур хәлқаралиқ кино фестивалида мукапатқа еришкән бәхтияр исламофниң мәзкур филиминиң сенарийисини өзи язған, өзи операторлуқ вә режиссорлуқ қилған. Қазақистанниң "брод.Өз" торидики бу һәқтики хәвәрдә ейтилишичә, бәхтияр исламоф мукапат тапшурувелип сөз қилған болуп, баһалиғучилар униң бу филиминиң наһайити утуқлуқ вә алаһидә маһарәт билән ишләнгәнликини ейтишқан.

1986-Йили, алмата шәһиридә туғулған 31 яшлиқ кино режиссори бәхтияр исламофниң буниңдин сирт йәнә бир қанчә қисқа филимлири хәлқаралиқ мукапатқа еришкән болуп, "уйғур авази" гезитиниң хәвәр қилишичә, бәхтияр исламофниң "балилиқ дәвримдики берлин асмини" намлиқ қисқа филими 2015-йили, америкиниң лос-анҗелес шәһиридә өткән хәлқаралиқ кино фестивалида "әң яхши тәҗрибилик филим" мукапати вә америкида өткүзүлгән 17-нөвәтлик мондансе хәлқара илим фестивалида "әң яхши қисқа филим" мукапатиға еришкән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт