Qazaqistan Uyghur kino rézhissorining filimi xelq'araliq mukapatqa érishti

Muxbirimiz ümidwar
2017-06-18
Share

Qazaqistan metbu'atlirining xewer qilishiche, yéqinda awstriyening lénsing shehiride bolup ötken "Döletler féstiwali" dep atalghan 45-qétimliq xelq'ara kino féstiwalida qazaqistan Uyghur rézhissori bextiyar islamofning "Edib yashawatqan jay" mawzuluq qisqa filimi "Eng yaxshi tejribilik filim" mukapatigha érishken.

55 Dölettin 1000 din artuq filim qatnishidighan mezkur xelq'araliq kino féstiwalida mukapatqa érishken bextiyar islamofning mezkur filimining sénariyisini özi yazghan, özi opératorluq we rézhissorluq qilghan. Qazaqistanning "Brod.Öz" toridiki bu heqtiki xewerde éytilishiche, bextiyar islamof mukapat tapshuruwélip söz qilghan bolup, bahalighuchilar uning bu filimining nahayiti utuqluq we alahide maharet bilen ishlen'genlikini éytishqan.

1986-Yili, almata shehiride tughulghan 31 yashliq kino rézhissori bextiyar islamofning buningdin sirt yene bir qanche qisqa filimliri xelq'araliq mukapatqa érishken bolup, "Uyghur awazi" gézitining xewer qilishiche, bextiyar islamofning "Baliliq dewrimdiki bérlin asmini" namliq qisqa filimi 2015-yili, amérikining los-anjélés shehiride ötken xelq'araliq kino féstiwalida "Eng yaxshi tejribilik filim" mukapati we amérikida ötküzülgen 17-nöwetlik mondansé xelq'ara ilim féstiwalida "Eng yaxshi qisqa filim" mukapatigha érishken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet