Da'iriler "Meshrep meydan ussuli" ni xitay boyiche omumlashturidighanliqini ilgiri sürgen

Muxbirimiz qutlan
2016-11-21
Share

"Shinjang géziti" ning xewer qilishiche, Uyghur aptonom rayoni boyiche ötküzülidighan chong tiptiki "Meshrep meydan ussuli" ning bashlinish murasimi 11-ayning 18-küni ürümchi döngköwrükte ötküzülgen.

Xewerde déyilishiche, bu Uyghur meshrep ussulining pütün Uyghur aptonom rayonda shundaqla xitay miqyasida omumlashturilidighanliqidin dérek béridiken.

Igilinishiche, yéqinqi birqanche yildin buyan Uyghur aptonom rayonining herqaysi jaylirida shinjang yashan'ghanlar uniwérsitéti sen'et etriti, meshrep kulubi dégendek ammiwi jem'iyetler qurulup, Uyghur meshrep ussulini hökümetning siyasiy teshwiqati bilen birleshtürüshke urunmaqtiken.

Da'iriler rayondiki Uyghur ahalilirini xitayche yanggér usuli oynashqa, xitay ahalilirini bolsa chong meydanlargha yighilip Uyghurche meshrep ussuli oynashqa righbetlendürgen hemde buni milletler ittipaqliqining bir belgisi süpitide teshwiq qilghan.

Közetküchiler, bu Uyghur milliy sen'itining hökümetning siyasiy teshwiqati üchün xizmet qildurulushidin bashqa nerse emes, dep hésablimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet