Bu yil Uyghur rayonining ottura asiya bilen bolghan tashqi sodisi körünerlik azayghan

Muxbirimiz erkin
2015.12.30

Bu yil Uyghur aptonom rayonining ottura asiya we rusiye bilen bolghan tashqi soda sommisi körünerlik azlap, omumi soda hejmi ötken yilqidin 26.5 Pirsent töwenligen. Uning qazaqistan we rusiye bilen bolghan tashqi sodisi eng köp azayghan.

Shinxu'a agéntliqining ashkarilishiche, Uyghur aptonom rayonining qazaqistan bilen bolghan tashqi sodisi 41.2 Pirsent, rusiye bilen bolghan tashqi sodisi 46.3 Pirsent töwenlep ketken. Uning ottura asiyadiki bashqa jumhuriyetler bilen bolghan sodisimu ikki reqemlik azayghan. Analizchilar, buning qazaqistan we rusiyediki iqtisadi krizis bilen munasiwetlik ikenlikini, bu xitayning Uyghur rayonini soda merkizi qilish pilanigha bésim élip kélidighanliqini ilgiri sürdi.

Bu analizchilarning qeyt qilishiche, uning néfit bahasining chüshüp kétishi, gherbning rusiyege qoyghan émbargosi, qazaqistan tengge abortini erkin qoyuwétip, dollarning ösüp kétishi qatarliq amillar tesir qilghan.

Uyghur aptonom rayonining bu yilning deslepki 10 ayliq tashqi soda sommisi 101 milyard 800 milyon yüen bolup, uning 90 milyard 700 milyon yüenini éksport, 11 milyard 100 milyon yüenini import igiligen.

Shinxu'a agéntliqining ilgiri sürüshiche, Uyghur rayonining qazaqistan bilen bolghan tashqi sodisi 30 milyard yüen, rusiye bilen bolghan sodisi 4 milyard 650 milyon yüen azayghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.