Qobuqsar nahiyiside "Diniy esebiylik" qalpiqi kiydürülgen bir délo heqqide ochuq sot échilghan

Muxbirimiz qutlan
2014-10-27
Élxet
Pikir
Share
Print

Junggo xewer torining ürümchidin bergen xewirige qarighanda, 24-öktebir küni qobuqsar nahiyelik sot mehkimisi "Diniy esbiylik" boyiche bir délo üstidin ochuq sot achqan.

Isim-sheripi éniq tilgha élinmighan melum bir gumandar "Térrorluq guruppisi teshkillesh, esebiy diniy idiyeni teshwiq qilish shundaqla shayka toplash" jinayetliri boyiche eyiblinip 7 yilliq muddetlik qamaq jazasigha höküm qilin'ghan.

Xewerde gumandarning millet teweliki tilgha élinmighan. Uni peqetla "Xa palanchi" dégen éniqsiz nam bilen atighan. Uning 2013-yilining bashliridin buyan bashqilar bilen birlikte "Ghazat", "Hijret" we "Tebligh" teshwiq qilin'ghan ün ‏- sin filimlirini körgenliki we bashqilarni "Esebiy diniy idiye" ge qutratqanliqi ilgiri sürülgen.

Melumki, qobuqsar nahiyisi chöchek wilayitining shimaliy qismigha jaylashqan mongghul aptonom nahiyisi. Nahiyening omumiy nopusi 54 ming bolup, buning ichide mongghul, qazaq, Uyghur qatarliq milletlerning nopusi 34 mingni, xitaylarning nopusi 20 mingni igileydiken.

Közetküchiler, xitay da'irilirining atalmish "Diniy esebiylik" we "Milliy bölgünchilik" boyiche qanat yaydurghan "Qattiq zerbe bérish" dolqunining Uyghur élining shimalidiki chet nahiyelerge qeder küch körsitiwatqanliqini tekitlimekte.

Toluq bet