Uyghur sot kollégiyesi xitayning axbarat élan qilish yighinigha inkas bildürgen

Muxbirimiz jewlan
2021.06.09

Radiyomizning igiligen melumatigha asaslan'ghanda, Uyghur sot kollégiyesi 6-ayning 9-küni xitayning “Shinjang mesilisi” toghruluq ötküzgen axbarat élan qilish yighinigha inkas bildürgen.

Uyghur sot kollégiyesi mezkur sotta ispat bergen shahitlarning urugh-tughqanliri we qoshnilirining xitayning bu axbarat élan qilish yighinigha qatnashturulghanliqigha hemde ularning bu yighinda qilghan sözlirige diqqet qilghan. Uyghur sot kollégiyesi ularni bu yil 9-ayda ötküzülidighan 2-qétimliq ispat anglash yighinigha teklip qilmaqchi iken, eger xitay ularni guwahchi dep békitip, Uyghur sotigha qatnashturushni xalisa, ular en'giliyege kélip guwahliq berse bolidiken. Uyghur sot kollégiyesining xizmiti heqiqetni aydinglashturush we adalet telep qilish bolup, ular xitay hökümitidin mezkur sotqa kéreklik her qandaq ispat bolsa chiqirishini telep qilghan.

Uyghur sot kollégiyesi yene bu sotqa bérilgen bahalarghimu diqqet qilghan bolup, beziler “Bundaq mesililerni xelq'ara sot bir terep qilmamdu?” dep so'al qoyghan. Uyghur sot kollégiyesi buninggha bu mesilini xelq'ara sotning qarap chiqalmaydighanliqini, chünki xitayning buninggha tosqunluq qilidighanliqini, bundaq ehwalda bashqa bir döletning xitayning irqiy qirghinchiliq jinayiti üstidin xelq'ara sotqa erz qilsa bolidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.