Xitay tashqi ishlar ministirliqi Uyghur sot kollégiyesi we guwahchilargha hujum qildi

Muxbirimiz irade
2021-10-13
Share

Xitay hökümiti yene bir qétim londonda échilghan Uyghur sot kollégiyesige hujum qilghan. Xitay tashqi ishlar ministirliqining bayanatchisi jaw lijyen 12-öktebir künidiki axbarat yighinida Uyghur sot kollégiyesini "Yalghanchiliq mashinisi" dése, uningda guwahliq bergen guwahchilarni "Artislar" dep hujum qilghan. Jaw lijiyen sözide yene "Bu sot kollégiyesini zorawan, térrorchi, bölgünchi teshkilat bolghan dunya Uyghur qurultiyi pul bérip yasap chiqqan, xitaygha qarshi bir qisim küchler qollighan aldamchiliq oyuni" dégen.

Bolupmu jaw lijyen bayanatida s n n qatarliq dangliq axbarat wasitiliride Uyghur élidiki lagérlarda yolgha qoyuluwatqan insan qélipidin chiqqan tüzümlerni ashkarilap zor ghulghula qozghighan jang famililik xitay saqchisigha "U özini 2018-yili shinjanggha bölgünchilik herikitini tekshürüshke ewetilgen saqchi dep tonushturup, yalghan uchurlarni tarqatti. U buning bedilige 43 ming fondstérling pul alghan" dep hujum qilghan.

Halbuki, bu xitay saqchisi s n n téliwiziyesige qilghan sözide özining "Yuqiri ma'ash we turmush kapaliti" bilen hökümetning chaqiriqigha awaz qoshup xitay ölkisidin Uyghur élige kelgenlikini, biraq u yerde yürgüzülüwatqan Uyghurlarni qara-qoyuq kolléktip tutqun qilish, lagérlardiki Uyghurlargha qaritilghan sistémiliq qiyin-qistaq, basqunchiliq, kemsitish we xorlash qilmishlirini körgendin kéyin wijdani chidimay, buni ashkarilash niyitige kelgenlikini bildürgen. U ashkarilighan tepsilatlarmu lagér shahidlirining bayanliri bilen eynen chiqqanidi.

Chet'ellerdiki Uyghur közetküchilerning qarishiche, xitay hökümiti nöwette Uyghur sot kollégiyesidin chiqidighan netijidin we yuqiridiki bu xitay saqchisi ashkarilighan tepsilatlar qozghighan tesirdin qattiq ensirimektiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet