Uyghur élidiki bingtu'en tarixchiliri xitay kompartiye tarixini yézish boyiche xitaydiki 10 nuqtiliq orunning biri bolghan

Muxbirimiz qutlan
2016.03.07

“Bingtu'en géziti” ning xewirige qarighanda, Uyghur aptonom rayoni bilen memuriy hoquq jehettin teng derijilik organ - shinjang ishlepchiqirish-qurulush armiyesining “Partiye tarixi ishxanisi” xitay kompartiye tarixini yézish boyiche xitaydiki 10 nuqtiliq orunning biri bolup békitilgen.

Melum bolushiche, yéqinqi yillardin buyan xitay kompartiyesi merkiziy komitéti Uyghur éligha 1950-yillarning bashliridin bashlap yiltiz tartqan yérim herbiy xaraktérdiki shinjang ishlepchiqirish-qurulush bingtu'enige alahide ehmiyet bérishke bashlighan.

Bingtu'en partkomi qarmiqidiki “Partiye tarixi ishxanisi” yéqinqi birqanche yilda “Wang jin we shinjang”, “Junggo kompartiyesining shinjangni idare qilish tarixi”, “Déng shyawpingning shinjang ishlepchiqirish-qurulush bingtu'enini tereqqiy qildurushtiki töhpiliri”, “Shinjang ishlepchiqirish-qurulush bingtu'eni heqqide tarixiy tekshürüsh we tepekkur” qatarliq chong tiptiki hökümet kitablirini yézip neshr qildurghan.

Közetküchiler, xitay da'irilirining yéqinqi yillardin buyan bingtu'enning “Partiye tarixi ishxanisi” ni Uyghur aptonom rayonining tarixini yézishtiki eng hoquqluq orun qilishqa urunuwatqanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.