Da'iriler Uyghur rayonida télifon kimlik tüzümini yolgha qoyushning omumlashqanliqini bildürdi

Muxbirimiz méhriban
2015-09-08
Share


Da'iriler Uyghur rayonida téléfon kimlik tüzümini yolgha qoyushning pütün memliket boyiche eng deslep omumliship, pütünley tamamlan'ghanliqini bildürdi.

Xitayning shijang xewerler torining 8 - séntebirdiki xewiride déyilishiche, bultur teshebbus qilin'ghan téléfon kartisini kimlik boyiche élish tüzümining nöwette Uyghur aptonom rayonida tamamlinip bolghanliqi, Uyghur aptonom rayon da'iriside 6 - séntebirdin bashlap kimlik kartisi boyiche élinmighan herqandaq "Qara téléfon kartisi" ning emeldin qaldurulidighanliqi, isimsiz télifon kartilirini melum qilish téléfon liniyisi tesis qilin'ghanliqi we bayqalghanlarning tekshürüp qattiq terep qilinidighanliqi" xewer qilindi. Xewerde yene, Uyghur aptonom rayonining pütün dölet boyiche 2015 - yili 1 - séntebirdin bashlap yolgha qoyush, yil axirighiche memikette omumlashturush belgilen'gen téléfon kartisini kimlik boyiche béjirish tüzümini tunji bolup Uyghur aptonom rayonida omumlashturup bolghanliqi alahide tilgha élindi.

Xewerde herqaysi jaylardiki télégraf idarilirida 1 - séntebirdin bashlap téléfon kartisi sétiwalghuchilarning 2 - ewlad kimlikini élip kélip tizimlitip téléfon nomuri élishi yolgha qoyulidighanliqi, emma nöwette yenila bir qisim téléfon shirketliri we erkin bazarlarda kimliki tizimlanmaydighan téléfon simkartlirini sétish dawamlishiwatqanliqi tekitlen'gen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet