Xitayning hökümet géziti Uyghur teshkilatlirini ""Shinjangning paxtichiliq igilikige hujum qilish" bilen eyiblidi

Muxbirimiz erkin
2020-04-13
Share

Xitayning "Yershari waqti" géziti maqale élan qilip, chet'eldiki Uyghur teshkilatlirini "Shinjangning paxtichiliq igilikige hujum qilip, yerlik ishlemchilerge ziyan sélish" bilen eyibligen. Mezkur gézitning 10-aprél élan qilghan maqaliside ilgiri sürülüshiche, "Süpetlik paxta teshkilati" ning Uyghur rayonidiki mejburiy emgekni seweb qilip, mezkur rayon bilen bolghan alaqisini toxtitishida chet'eldiki xitaygha qarshi küchler bolupmu dunya Uyghur qurultiyi qatarliq teshkilatlarning teshwiqati rol oynighaniken.

Yéqinda xelq'aradiki eng chong paxtichiliq teshkilatlirining biri bolghan "Süpetlik paxta teshkilati" Uyghurlarning keng kölemlik mejburiy emgekke séliniwatqanliqi heqqidiki xewerlerni közde tutup, Uyghur aptonom rayonidiki paxta ishlepchiqarghuchi shirketler bilen bolghan hemkarliq munasiwitini toxtatqanliqini élan qilghan. Bu teshkilatning qarari kishilik hoquq teshkilatlirining qarshi élishigha érishkenidi. Lékin "Yershari waqti" gézitining ilgiri sürüshiche, nöwette "Shinjang jinli yüen kiyim-kéchek shirkiti" dek karxanilar weyran bolush girdabigha bérip qalghan. Bu hujum yerlik ishlemchilerge ziyan sélipla qalmay, xelq'ara bazar nuqtisidin alghandimu réyalistik emes" iken.

Xitay hökümitining 2017-yili bashlan'ghan chong tutqunda lagér ichi we sirtidiki nurghun Uyghurlarni xitay karxanilirigha yötkep, mejburiy emgekke séliwatqanliqigha da'ir deliller amérika dölet mejlisi we xelq'ara kishilik hoquq teshkilatlirining diqqitini qozghighan. Buning bilen bezi xelq'ara shirketler rayondiki karxanilar bilen bolghan mal kélishimini bikar qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet