Uyghur rayonida uchur - alaqe we tor sistémisigha munasiwetlik jinayet türliri élan qilindi

Muxbirimiz eziz
2015-12-16
Share


Xitayning shinxu'a toridiki melumatqa asaslan'ghanda, 14 - dékabir küni ürümchide échilghan "Uchur - alaqe we tor sistémisidiki yéngi jinayi heriketlerge zerbe bérish we tüzesh" yighinida yéngidin békitilgen 11 türlük jinayet we 7 türlük qanunsiz qilmishning nuqtiliq tertipke sélish nishani bolidighanliqi élan qilindi.

Alaqidar uchurlardin melum bolushiche, bu qétim türler ichide tor dunyasidiki aldamchiliq qilmishliridin bashqa, yanfon nomurlirini özgertish, yalghan isim bilen téléfon, téléfon kartisi yaki torgha chiqish kartisi béjirish, oghriliqche anglash we oghriliqche resimge tartish eswablirini élip sétish, banka kartlirini normal bolmighan shekilde élip sétish nuqtiliq halda tekitlen'gen.

Xitayche uchur menbeside eskertilishiche, bu qétimqi mexsus uchur - alaqe we tor sistémisi sahesidiki "Zerebe bérish herkiti" 2016 - yili 30 - aprélgha qeder dawamlishidiken. Halbuki, Uyghur weziyet közetküchiliri xitayning bu tedbirlirini yéqindin buyan Uyghurlar rayonida küchep yolgha qoyuliwatqan rayon xaraktérlik uchurlarni qattiq qamal qilish siyasitining bir qismi, dep qarimaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.