Uyghur qiz-chokanlirining tughmas qiliwétilishi ghulghula qozghimaqta

Muxbirimiz eziz
2019-08-27
Élxet
Pikir
Share
Print

Xitay hökümitining Uyghur qiz-chokanlirini sün'iy usulda tughmas qiliwétishi heqqidiki melumatlarning otturigha chiqishi bilen "Étnik qirghinchiliq" ning bir muhim türi dep qaralghan bu hadise her sahedikilerning zor diqqitini qozghashqa bashlidi. 25-Awghustta teywendiki "Yéngi güllinish" torida élan qilin'ghan bu heqtiki maqalida hazir bu halning barghanséri éghirlawatqanliqi nuqtiliq muhakime qilinidu.

Maqalida körsitilishiche, Uyghur ayallirining lagérlarda tébbiy dorilar wasitisi bilen tughmas qiliwétilidighanliqi bir qisim shahitlarning bayanliridin melum bolghandin buyan, yene bir qisim Uyghur mehbuslarning mejburiy shekildiki ichki eza oghriliqining qurbanliri boluwatqanliqi heqqidimu gep-sözler tarqalghan. Halbuki, lagérlar heqqidiki uchurlarning qattiq qamal qilinishi seweblik lagérlarning ichki qismidiki nurghun sirlar sir péti kétip qélishi éhtimalgha yéqin iken. Chünki lagérlarning taqilish emes, belki san we kölem jehette éship méngishqa yüzlinishi bu halning kelgüsidin bésharet bériwatqan hadisiler hésablinidiken.

Maqale aptorining bayan qilishiche, lagérdiki Uyghur qiz-chokanlirining tughmas qiliwétilishi yene bir yaqtin xitay hökümitining milliy siyasetliridiki bir yéngi burulush nuqtisining, yeni "Étnik tazilash" dolqunining inkasi iken. Yene bir yaqtin xitay hökümitining "Maddiy yardem" arqiliq xitay köchmenlirini Uyghur qizlirigha öylinishke righbetlendürüshimu arilashma qanliq Uyghurlarni köpeytish arqiliq Uyghur milliy kimlikini ajizlashturush urunushi iken.

Aptor axirida "Bu ehwalni pakitlar bilen delilligili bolsa xitay hökümitining bu qilmishlirining heqiqiy meqsiti ashkara bolatti" deydu.

Toluq bet