Тутқундики уйғур зиялийлириниң қизлири дадилири үчүн әркинлик тәләп қилди

Мухбиримиз ирадә
2021-10-07
Share

Хитай һөкүмитиниң уйғурларға йүргүзүватқан ирқий қирғинчилиқ сииясити давам қиливатқан бир пәйттә, хитай түрмилиридә йетиватқан нурғунлиған уйғур зиялийлириниң ақивитиму һелиһәм қараңғу турмақта.

6-Өктәбир күни шундақ зиялийларнң бири болған ялқун розиниң хитай һөкүмити тәрипидин қолға елинғанлиқиға 5 йил болған күн болуп, бу күн мунасивити билән униң америкадики қизи тумарис ялқун тивиттир арқилиқ төвәндики чақириқни қилди: "6-өктәбир өктәбир күни дадамниң қанунсиз қолға елинғанлиқиға 5 йил болған күн. 2016-Йили хитай компартийәси бигунаһ дадамни қолға елип, униңға 15 йил қамақ җазаси бәрди. Униң аталмиш җинайити пәқәтла уйғур әдәбияти, мәдәнийити вә тарихини сақлап қелиш иди. У гунаһсиз. Хитай компартийәсидин уни дәрһал қоюп беришини тәләп қилимән!"

7-Өктәбир күни йәнә, хитай һөкүмити тәрипидин өмүрлүк қамақ җазасиға һөкүм қилинған илһам тохтиниң қизи җәвһәр илһамму тивиттир арқилиқ "илһам тохтиға әркинлик" дәп чақириқ елан қилди. У сөзидә "дадамни көрмигинимгә 8 йерим йилдин ашти, мән 2017-йилдин башлап дадамдин қәтий хәвәр алалмидим. Аиләмдикиләрниң уни үрүмчидики түрмигә берип көрүшигә йол қоюлмиди. Хитай һөкүмити дадам илһам тохтини дәрһал азад қилиши керәк" деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт