Tutqundiki Uyghur ziyaliylirining qizliri dadiliri üchün erkinlik telep qildi

Muxbirimiz irade
2021-10-07
Share

Xitay hökümitining Uyghurlargha yürgüzüwatqan irqiy qirghinchiliq si'iyasiti dawam qiliwatqan bir peytte, xitay türmiliride yétiwatqan nurghunlighan Uyghur ziyaliylirining aqiwitimu hélihem qarangghu turmaqta.

6-Öktebir küni shundaq ziyaliylarnng biri bolghan yalqun rozining xitay hökümiti teripidin qolgha élin'ghanliqigha 5 yil bolghan kün bolup, bu kün munasiwiti bilen uning amérikadiki qizi tumaris yalqun tiwittir arqiliq töwendiki chaqiriqni qildi: "6-Öktebir öktebir küni dadamning qanunsiz qolgha élin'ghanliqigha 5 yil bolghan kün. 2016-Yili xitay kompartiyesi bigunah dadamni qolgha élip, uninggha 15 yil qamaq jazasi berdi. Uning atalmish jinayiti peqetla Uyghur edebiyati, medeniyiti we tarixini saqlap qélish idi. U gunahsiz. Xitay kompartiyesidin uni derhal qoyup bérishini telep qilimen!"

7-Öktebir küni yene, xitay hökümiti teripidin ömürlük qamaq jazasigha höküm qilin'ghan ilham toxtining qizi jewher ilhammu tiwittir arqiliq "Ilham toxtigha erkinlik" dep chaqiriq élan qildi. U sözide "Dadamni körmiginimge 8 yérim yildin ashti, men 2017-yildin bashlap dadamdin qet'iy xewer alalmidim. A'ilemdikilerning uni ürümchidiki türmige bérip körüshige yol qoyulmidi. Xitay hökümiti dadam ilham toxtini derhal azad qilishi kérek" dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet