Uyghur diyaridiki tutqunda ijtima'iy taratqu eplirining muhim bahane bolghanliqi diqqet qozghidi

Muxbirimiz eziz
2021-10-14
Share

Ötken birnechche yilda Uyghur diyarida dawam qilghan zor kölemlik tutqunda az dégendimu bir milyondin üch milyon'ghiche kishining lagérgha qamalghanliqi heqqide melumatlar otturigha chiqqan idi. Yétiliwatqan Uyghurshunas derrén baylérning "Lagérlarda" namliq esiridiki bezi teswirler bu heqtiki bezi ré'alliqni ashkara qildi.

"WION Xewerliri" ning 13-öktebirdiki mulahize maqaliside éytilishiche, derrén baylér ziyaret qilghan hemde amérika hökümiti üchün ashkara guwahliq bergen wéra ju isimlik xitay oqughuchi ‍özining téléfon we kompyutérida WhatsApp we mewhum xususiy tor (VPN) bayqalghanliqi üchün xitaydiki ziyariti jeryanida tutqun qilin'ghan. Uning "Terbiyelesh merkizi" diki tutqunluq hayati yérim yildin artuq dawam qilghan.

Xewerde mushu ehwalni misal qilip turup "Amérika puqrasi bolghan xitay oqughuchi ammiwi epler sewebidin tutqun qilin'ghan bolsa, Uyghurlar we tungganlarning bu jehettiki ehwali qandaq bolmaqchidi?" dep so'al qoyulghan.

Washin'gton shehridiki "Yéngi liniye" inistituti teyyarlighan "Uyghur qirghinchiliqi" heqqidiki mexsus doklatta mushu mesilimu alahide tilgha élin'ghan bolup, xitay hökümitining "Qur'an" we bashqa diniy mezmundiki tékistler bayqalghan téléfon igisini "Térorluq" qa baghlap qolgha alghanliqi tekitlen'gen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet