Xitay hökümitining Uyghurlarni eng chong "Wirus" dep qarawatqanliqi diqqet qozghimaqta

Muxbirimiz eziz
2020-06-02
Élxet
Pikir
Share
Print

Pütün dunya tajsiman wirusidin kélip chiqqan wabagha qarshi turuwatqanda xitay hökümitining ‍Uyghurlarni eng esheddiy "Wirus" qatarida yoqitish nishani qiliwatqanliqi dawamliq tashqi dunyaning diqqitide bolmaqta.

Amérika dölet mejlisi bashqurushidiki "Töpilik" (The Hill) zhurnilining 1-iyundiki sanigha bésilghan bu heqtiki xewerde éytilishiche, izchil türde diniy étiqad erkinliki heqqide wez éytidighan xitay hökümiti Uyghurlardiki islam étiqadini yoqitishni hazir tajsiman wirusqa qarshi turghandinmu muhim orun'gha qoymaqta iken. Shundaqla bu kishilerni xudagha emes, belki xitay kompartiyesige we hökümitige "Sejde" qilishqa mejburlimaqta iken.

Xitay re'isi shi jinping ashkara halda "Islam esebiyliki wirusqa oxshash yuqumluq" dégen qarashni otturigha qoyghandin buyan Uyghurlardiki islam étiqadi bilen baghlinishliq barche mezmunlar, hetta haraq-tamakidin özini tartishmu mushu da'irige kirgüzüp qoyulghan. Buninggha chétilip qalghanlar bolsa nöwette milyonlighan sandiki lagér mehbusliri hemde mejburiy emgekke séliniwatqanlar iken. Buning bilen nöwette bir qisim siyasiyonlar "Uyghurlargha qarshi qirghinchiliq" dep atawatqan basturush qilmishliri otturigha chiqmaqta iken.

Awam palata ezasi maykil waltz bu heqte söz qilip: "Dölet mejlisi del mushu sewebtin Uyghurlargha da'ir qanun layihesini maqullidi. Himayisizlarni himaye qilidighanliqimiz rast bolsa, biz Uyghurlar üchün ornimizdin dest turushimiz lazim. Chünki ular hörlükke mohtaj," deydu.

Toluq bet