13- Апрел күни уйғур елида йеңидин байқалған юқумланғучи йоқлуқи илгири сүрүлди

Мухбиримиз адилә
2022.04.14
Share on WhatsApp
Share on WhatsApp

Хитай таратқулири 13-апрел күни саәт 24:00 кечә болған арилиқта уйғур елида (биңтуәнниму өз ичигә алиду) корона вируси билән юқумлинишқа аит дәлилләнгән йеңи әһвал йоқлиғини, аламәтсиз юқумланғучиниңму йоқлиғини елан қилған.

Хәвәрдә йәнә, үрүмчидики 2 нәпәр аламәтсиз юқумланғучиниңму карантина вә айрип давалаштин чиқирилғанлиқи билдүрүлгән.

Шундақ болғанда, уйғур елида 4-айниң 13-күни саәт :0024 гичә болған арилиқта аламәтсиз җәмий юқумланғучи сани 23 нәпәр болуп, буларниң 19 нәпири үрүмчидә, 2 нәпири хошут наһийәсидә, 2 нәпири санҗида икән.

Уйғур елида һазирғичә юқум әһвалиниң еғир әмәслики хәвәр қилиниватқан болсиму әмма хитайдики омумий юқум әһвалиниң еғирлиқидин қариғанда уйғур елини тәһдит астида, дәп қарашқа болидикән. Көзәткүчиләрниң билдүрүшичә, хитайдики омумий юқум әһвали хитай сәһийә-сағламлиқ комитети елан қилғандинму еғир болуши мумкин.

Уйғур районида гәрчә йеңидин юқумлиниш әһвали йоқ дейилгән болсиму, үрүмчидин тартип корла, санҗиғичә көплигән шәһәр, вилайәтләр қамал қилинған болуп, һәқиқий әһвалниң еғир икәнликини пәрәз қилғили болидикән. Болупму чәтәлләрдики уйғур көзәткүчиләр ичкири хитайда ямраватқан вирус, һәр қайси шәһәрләрдә йолға қоюлуватқан қаттиқ қамал вә униңдин пәйда болған ачарчилиқниң кәлгүсидә уйғур райониғиму келишидин әндишә қилмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.