13- Aprél küni Uyghur élida yéngidin bayqalghan yuqumlan'ghuchi yoqluqi ilgiri sürüldi

Muxbirimiz adile
2022.04.14
Share on WhatsApp
Share on WhatsApp

Xitay taratquliri 13-aprél küni sa'et 24:00 kéche bolghan ariliqta Uyghur élida (bingtu'ennimu öz ichige alidu) korona wirusi bilen yuqumlinishqa a'it delillen'gen yéngi ehwal yoqlighini, alametsiz yuqumlan'ghuchiningmu yoqlighini élan qilghan.

Xewerde yene, ürümchidiki 2 neper alametsiz yuqumlan'ghuchiningmu karantina we ayrip dawalashtin chiqirilghanliqi bildürülgen.

Shundaq bolghanda, Uyghur élida 4-ayning 13-küni sa'et :0024 giche bolghan ariliqta alametsiz jem'iy yuqumlan'ghuchi sani 23 neper bolup, bularning 19 nepiri ürümchide, 2 nepiri xoshut nahiyeside, 2 nepiri sanjida iken.

Uyghur élida hazirghiche yuqum ehwalining éghir emesliki xewer qiliniwatqan bolsimu emma xitaydiki omumiy yuqum ehwalining éghirliqidin qarighanda Uyghur élini tehdit astida, dep qarashqa bolidiken. Közetküchilerning bildürüshiche, xitaydiki omumiy yuqum ehwali xitay sehiye-saghlamliq komitéti élan qilghandinmu éghir bolushi mumkin.

Uyghur rayonida gerche yéngidin yuqumlinish ehwali yoq déyilgen bolsimu, ürümchidin tartip korla, sanjighiche köpligen sheher, wilayetler qamal qilin'ghan bolup, heqiqiy ehwalning éghir ikenlikini perez qilghili bolidiken. Bolupmu chet'ellerdiki Uyghur közetküchiler ichkiri xitayda yamrawatqan wirus, her qaysi sheherlerde yolgha qoyuluwatqan qattiq qamal we uningdin peyda bolghan acharchiliqning kelgüside Uyghur rayonighimu kélishidin endishe qilmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.