Уйғур аптоном райониниң һәр қайси җайлирида "сиясий-қанун саһәсидикиләрни тәрбийәләш вә тәртипкә селиш йетәкчилик ишханиси" қурулған

Мухбиримиз җәвлан
2021-03-17
Share

Хитай таратқулирида ашкарилинишичә, хитайда мәмликәт бойичә сиясий-қанун саһәсидикиләрни тәрбийәләш вә тәртипкә селиш хизмитиниң күнтәртипигә асасән, уйғур аптоном районида 1 мәхсус йетәкчилик гурупписи ишханиси һәрқайсий вилайәт вә шәһәрләрдә 14 йетәкчилик гурупписи ишханиси қурулған.

Хәвәрдә үрүмчидики баш ишхана вә или, чөчәк, алтай, тарбағатай, қарамай, санҗи, үрүмчи, турпан, қомул, байинғолин, ақсу, қизилсу, қәшқәр, хотәндики шөбә ишханиларниң телефон номурлири вә почта адреси берилгән болуп, сиясий-қанунға мунасивәтлик һәр қандақ әһвални мәзкур вилайәт вә шәһәрләрдики шөбә ишханиларға йәткүзүш тәләп қилинған.

Униңдин башқа йәнә 1 мәхсус йетәкчилик гурупписи қурулған болуп, уйғур аптоном райониға қарашлиқ һәр қайси түрмиләр вә зәһәр ташлатқузуш орунлириға йетәкчилик қилидикән.

Бу ишханиларниң телефон қобул қилиш вақти әтигән саәт 10 дин кәч саәт 10 ғичә болуп, 2021-йил 10-айниң 31-күнигичә телефон вә хәтләрни қобул қилидикән. Андин уларни топлап, шу җайдики партком сиясий-қанун комитети, сот мәһкимиси, тәптиш мәһкимиси, сақчихана, түрмә вә зәһәр ташлаш орунлириға мәлум қилидикән.

Көзәткүчиләрниң қаришичә, хитай һөкүмити һазир өзиниң җинайитини бар күчи билән йошуруш вә "юшурун хәвп" ни азайтиш үчүн сиясий-қанундин ибарәт диктатора аппаратини күчәйтмәктә икән. Хитайда, җүмлидин уйғур аптоном районида қурулған бу сиясий-қанун йетәкчилик ишханилири әмәлийәттә хитайдики омумиййүзлүк тәқип сияситиниң техиму күчәйгәнликини билдүриду. Һәр қайси вилайәт, шәһәрләрдә қурулған шөбә ишханилар әмәлийәттә хитайниң һәр қайси җайларға қурған җасуслуқ вә назарәт торидин ибарәт.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт