Uyghur aptonom rayonining her qaysi jaylirida "Siyasiy-qanun sahesidikilerni terbiyelesh we tertipke sélish yétekchilik ishxanisi" qurulghan

Muxbirimiz jewlan
2021-03-17
Share

Xitay taratqulirida ashkarilinishiche, xitayda memliket boyiche siyasiy-qanun sahesidikilerni terbiyelesh we tertipke sélish xizmitining küntertipige asasen, Uyghur aptonom rayonida 1 mexsus yétekchilik guruppisi ishxanisi herqaysiy wilayet we sheherlerde 14 yétekchilik guruppisi ishxanisi qurulghan.

Xewerde ürümchidiki bash ishxana we ili, chöchek, altay, tarbaghatay, qaramay, sanji, ürümchi, turpan, qomul, bayin'gholin, aqsu, qizilsu, qeshqer, xotendiki shöbe ishxanilarning téléfon nomurliri we pochta adrési bérilgen bolup, siyasiy-qanun'gha munasiwetlik her qandaq ehwalni mezkur wilayet we sheherlerdiki shöbe ishxanilargha yetküzüsh telep qilin'ghan.

Uningdin bashqa yene 1 mexsus yétekchilik guruppisi qurulghan bolup, Uyghur aptonom rayonigha qarashliq her qaysi türmiler we zeher tashlatquzush orunlirigha yétekchilik qilidiken.

Bu ishxanilarning téléfon qobul qilish waqti etigen sa'et 10 din kech sa'et 10 ghiche bolup, 2021-yil 10-ayning 31-künigiche téléfon we xetlerni qobul qilidiken. Andin ularni toplap, shu jaydiki partkom siyasiy-qanun komitéti, sot mehkimisi, teptish mehkimisi, saqchixana, türme we zeher tashlash orunlirigha melum qilidiken.

Közetküchilerning qarishiche, xitay hökümiti hazir özining jinayitini bar küchi bilen yoshurush we "Yushurun xewp" ni azaytish üchün siyasiy-qanundin ibaret diktatora apparatini kücheytmekte iken. Xitayda, jümlidin Uyghur aptonom rayonida qurulghan bu siyasiy-qanun yétekchilik ishxaniliri emeliyette xitaydiki omumiyyüzlük teqip siyasitining téximu kücheygenlikini bildüridu. Her qaysi wilayet, sheherlerde qurulghan shöbe ishxanilar emeliyette xitayning her qaysi jaylargha qurghan jasusluq we nazaret toridin ibaret.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet