Jang chünlin qeshqerde medeniyet-ma'arip, teshwiqat xizmitide yéngiliq yaritishni tekitligen

Muxbirimiz jewlan
2022-03-25
Share

Xitayche “Tengritagh tori” ning xewer qilishiche, Uyghur aptonom rayonluq partkomning mu'awin sékrétari, teshwiqat bölümi bashliqi jang chünlin 22-, 23-mart künliri qeshqerde “Tekshürüp tetqiq” qilishta bolghan hemde “Shinjangning uzaq muddetlik muqimliqi we tereqqiyati üchün medeniyet-ma'arip, teshwiqat xizmitini ching tutup ishlesh we yéngiliq yaritish” kéreklikini tekitligen.

Jang chünlin qeshqer uniwérsitéti qatarliq mekteplerni közdin kechürgen hemde ulardin “Partiyening sözini anglash, partiyege rehmet éytish, partiyege egiship méngish” témisini asas qilghan terbiye pa'aliyetliri élip bérishni, “Ilghar jungxu'a medeniyitini ma'aripqa singdürüp, jungxu'a milletliri ortaq gewdisi éngini mustehkemleshni, ottura bashlan'ghuch mektep oqutquchilirini terbiyelesh salmiqini ashurup, dölet tilini qollinish sewiyesi we iqtidarini dawamliq östürüsh” ni telep qilghan.

Xitayning ikki chong yighinidin kéyin qeshqer wilayiti xitay emeldarliri köp qatraydighan jaylarning birige aylan'ghan bolup, jang chünlin kélishtin ilgiri aptonom rayonluq partkom sékrétari ma shingrüy, xitay memliketlik siyasiy kéngesh re'isi wang yang qatarliqlarmu qeshqerni közdin kechürgenidi.

Közetchilerning bildürüshiche, xitay hökümiti Uyghurlar eng köp jaylashqan jenubtiki wilayetlerge xitay éngi, xitay medeniyitini singdürüshke zor küch serp qiliwatqan bolup, atalmish Uyghur wekillermu ikki yighin mezgilide buninggha mas kélidighan tekliplirini otturigha qoyghanidi. Xitay hökümiti buni ma'arip arqiliq emelge ashurushni nishanlighan bolup, jang chünlin qeshqerde buning konkrét usullirini qayta tekitligen, shundaqla buningliq bilen qalmay yéngi-yéngi usullarni oylap tépishqa chaqirghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet