Da'iriler yü jingshing nezerbaghni ziyaret qilishtin burun, Uyghur déhqan wekillirini nezerbend qilghan

Muxbirimiz erkin
2014-03-31
Élxet
Pikir
Share
Print

Da'irilerning xitay kompartiyisi merkizi komitét siyasiy byurosining da'imiy ezasi, xitay memliketlik siyasiy kéngishining re'isi yü jingshing qeshqerni ziyaret qilishtin burun, nezerbaghdiki erzdarlar wekillirini nezerbend qilghanliqi melum.

Yü jingshing 26‏-marttin 30‏-martqa qeder Uyghur aptonom rayonini ziyaret qilip, ürümchi, aqsu, qeshqer we ishlepchiqirish qurulush bingtu'enining bezi polklirida tekshürüsh élip barghan.

Qeshqer nezerbagh yézisi yü jingshing tekshürüsh élip barghan nuqtilarning biri. Yerlik da'irilerning 24‏-mart qeshqer nezerbaghdiki yer dawasigha qiliwatqan Uyghur déhqanlirining 3 neper wekilini mexpiy xoten'ge élip bérip nezerbend qilishi, yü jishingning nezerbagh yézisida tekshürüsh élip baridighanliqi bilen munasiwetlik ikenliki ashkarilandi.

Weziyettin xewerdar kishilerning qeyt qilishiche, da'iriler Uyghur déhqan wekillirining yü jingshinggha erz qilishidin ensirep, ularni yü jingshing yétip kélishtin awwal xoten'ge mejburi élip bérip solap qoyghan.

Nezerbaghliq déhqanlar yerlik da'irilerning nezerbaghda olturushluq Uyghur déhqanlirining 5 ming yérini tartiwalghanliqigha naraziliq bildürüp erz qiliwatqan idi.

Da'iriler 24‏-mart déhqanlarning tursun mamut, abduqéyum memet, memet tursun abduwayit qatarliq 3 wekilini "Sayahet qildurup kélimiz" dégen namda mexpiy xoten'ge élip bérip, bir méhmanxanigha solap qoyghan. Déhqan wekillirining tuyuqsiz yoqap kétishi nezerbaghliq erzdar déhqanlarning naraziliqini qozghighan idi.

Yu jingshing 4 künlük ziyaritide, yene "3 Xil küchler" ni basturush, muqimliq saqlash sistémisi we méxanizmini kücheytishni tekitligen.

Toluq bet