Uyghur élida ikki neper Uyghur kadir "Térrorchilargha hésdashliq qildi"

Muxbirimiz méhriban
2014-05-27
Élxet
Pikir
Share
Print

Xitay da'iriliri "Térrorluqqa zerbe bérish" namidiki keng kölemlik tutqun qilish, basturush herikitide, hökümet organlirida ishleydighan Uyghur kadirlirigha qaritilghan nazaret we tekshürüshni kücheytken, hetta bezi Uyghur kadirlirini "Térrorchilargha hésdashliq qildi" dégen jinayetni artip tutqun qilishni bashlighan.

Xitayning shinxu'a torining 27-maydiki xewiride déyilishiche, Uyghur aptonom rayonluq intizam tekshürüsh komitétining partkom sékrétari ma gowéy 27-may küni xitay tordashlirigha qilghan sözide 2013-yildin bashlap Uyghur aptonom rayon teweside "Siyasiy jehettin intizamgha xilapliq qilghan" 58 délo bir terep qilinip, jem'iy 65 kishige chare körülgenlikini bildürgen.

Xewerdin melum bolushiche, ili oblastliq xelq hökümiti ishxanisining mu'awin bashliqi batur dawamet "Yézilargha chüshüp, wezipe ötesh jeryanida Uyghur aptonom rayonluq hökümetning milliy siyasiti bilen birdek bolmighan söz-herikette bolghan, térrorluq weqelirige qarita pozitsiyisi qattiq bolmighan" dégen bahanide xizmitidin qaldurulup, délo turghuzulup tekshürülüshke bashlighan. Aqsu onsu nahiyisi gül'awat yézisi qoralliq etritining xadimi extem éli "Intérnétta diniy esebiylikni, jihadni teshebbus qilidighan, milliy öchmenlikni qozghaydighan uchurlarni tarqatqan" dégen jinayet artilip, barliq wezipisidin élip tashlan'ghan we qanun orunlirigha tapshurup bérilgen.

Toluq bet