El-jezire qanilida Uyghurlarning éghir weziyiti tonushturuldi

Muxbirimiz irade
2018-07-18
Élxet
Pikir
Share
Print

Bügün el-jezire téléwiziye qanilida Uyghurlarning weziyiti tonushturuldi. "On minglighan Uyghur xitaydin qachmaqta" dep mawzu qoyulghan qisqa filimda xitay hökümitining Uyghur élide yuqiri pen-téxnikiliq nazaret sistémilirini yolgha qoyuwatqanliqi, Uyghurlarning her waqit xalighanche tutqun qilish xewpi astida yashaydighanliqi, ularning yépiq terbiye lagérlirida dini we milliy kimlikidin waz kéchishke mejburliniwatqanliqini bayan qilghan.

El-jezire xewiride, pütün bu siyasetlerning xitay hökümiti Uyghurlar we bashqa musulman xelqlerni "Xeterlik bölgünchi" dep qarighanliqi üchün élip bériliwatqanliqini eskertken. Qisqa filimda yene, Uyghur élidiki qarita qattiq zerbe bérish herikiti bilen birge yene, "Qoshmaq tughqan" siyasiti tonushturulghan.

Filimda, kishilik hoquqni közitish teshkilati xitay ishliri bölümi bashliqi soféy réchardson ziyaret qilin'ghan bolup, u sözide bu siyaset boyiche her bir kishining choqum bir dölet kadiri bilen tughqanlishidighanliqi, we bu kadirlarning adette bir qanche heptigiche shu kishining öyide yétip-qopup turup nazaret qiliwatqanliqini, xitay hökümiti üchün "Kompartiyege sadiq emes" dep qaralghan ehwallarni igilewatqanliqini éytqan. Soféy réchardson sözide, bu siyasetning xitay hökümiti Uyghurlargha yürgüzgen nazaret we teqiblesh siyasetliri ichide hazirghiche körgen eng esheddiy biri ikenlikini, xitay hökümitining Uyghurlarni hayatining herbir ushshaq détalighiche közitiwatqanliqini bildürgen.

El-jezire xewiride, xitay hökümitining mushundaq éghir dini we milliy cheklime siyasetliri seweblik kéyinki yillarda minglighan Uyghur türkiyege qéchip kelgen bolsimu, emma xitay hökümitining bu siyasetlirini izchil ret qilip kelgenlikini eskertken.

Toluq bet