Uyghur élidiki "Partiyege sadaqitini ipadilesh" heriketlirini yenimu chongqurlashturush telep qilin'ghan

Muxbirimiz irade
2017-08-04
Élxet
Pikir
Share
Print

3-Awghust küni Uyghur élide "Yoldash obulqasim mettursundin öginip, dadilliq bilen otturigha chiqip, éniq pozitsiye bildürüshni chongqurlashturush" dégen namda yighin échilghan.

Uyghur aptonom rayonluq partkomning mu'awin sékrétari li pingshin yighinda söz qilip, ochuq pozitsiye bildürüsh herikitini yenimu kéngeytip, her millet ammisini "Üch xil küchler" we "Ikki yüzlimichi" lerge qarshi jeng élan qilishqa seperwer qilishni tekitligen.

Tengritagh torining xewiridin qarighanda, li pingshin sözide "Dadil otturigha chiqip pozitsiye bildürüsh herikiti bash nishanni emeliyleshtürüshning heriketlendürgüch küchi, idé'ologiye sahesidiki bölgünchilikke qarshi turushning xitabnamisi" dégen we yene bu arqiliq kadirlarning mes'uliyetni sadiqliq bilen zimmisige élishini sinaydighanliqini tekitligen.

Xoten kériye nahiyisi jay yézisining yéza bashliqi we mu'awin partkom sékrétari obulqasim mettursun bu yil 3 ayda‏-"Uyghur qérindashlargha xitab" namliq ochuq xet yézip, partiyige sadiq bolup, atalmish "Üch xil küchler" ge qarshi qet'iy küresh qilidighanliqini élan qilghandin buyan, xitay da'iriliri Uyghur rayoni miqyasida uning xétining rohini öginish herikiti qozghighan we Uyghur élidiki ishchi-xizmetchi, kadir-amma bolup, her sahe kishilirini pozitsiye bildürüsh, kolléktip qesem bérish, imza qoyush dégendek heriketlerge orunlashturghan shundaqla bir qisim Uyghur kadirlarni "Ikki yüzlimichi" dep emilidin élip tashlighan idi.

Toluq bet