Uyghur rayonidin 3 mingche oqutquchi bölgüchilikke qarshi heriket üchün xitay ölkilirige ewetilgen

Xitayning yershari waqti géziti qatarliq dölet axbaratining xewer qilishiche, Uyghur rayonidin 2939 neper oqutquchi xitay ölkiliridiki Uyghur oqughuchilar oquwatqan mekteplerge ewetilgen.

Xewerde déyilishiche, bularning wezipisi Uyghur oqughuchilargha bölgünchilikke qarshi telim terbiye bérish bolup, wezipe mudditi ikki yil dawam qilidu. Melum bolushiche, düshenbe küni ene shu bölgünchilikke qarshi wezipidar oqutquchilarni xitay ölkilirige uzitish murasimi ötküzülgen, murasimda Uyghur rayonluq partkom sékrétari jang chünshyen söz qilip, bölgüchilikke we diniy radikalliqqa qarshi birlik-ittipaqliq shekillendürüshning zörüriyitini tekitligen.

Muhajirettiki Uyghur közetküchilerning qarishiche, xitay Uyghur oqughuchilarni xitay ölkiliride terbiyilesh yeni milliy medeniyet muhitidin ayriwétish arqiliq, ularda milliy ang we milliy héssiyat shekillinishning aldini almaqchi bolghan, emma bu tedbir xitay kütkendek netije bermigen؛ netijide bu qétim Uyghur rayonidin mezkur xizmet guruppisini ewetishke mejbur bolghan. Yer shari waqti gézitining bu heqtiki xewiride yéqinqi yillardin béri Uyghur rayonidin xitay ölkilirige jem'iy 234 ming oqughuchining ewetilgenliki eskertilgen.