Борталада кәнҗибәк анархан дөләт мәхпийәтликни ашкарилаш билән әйиблинип 10 йиллиқ кесилгән

Мухбиримиз шөһрәт һошур
2017.08.21

Бүгүн радийомиз хитайчә бөлүминиң ашкарилишичә, борталаниң далита базирида олтурушлуқ кәнҗибәк анархан мәһәллә койлириға қазақистан һәққидә учур йәткүзгәнлики вә уларниң қазақистанға көчүшигә ярдәм қилғанлиқи үчүн дөләт мәхпийәтликини ашкарилаш билән әйиблинип 10 йиллиқ кесилгән.

Хәвәрдә дейилишичә, кәнҗибәк анархан үстидин мушу айниң дәсләпки һәптисидә мәхпий сот ечилған. Кәнҗибәкниң адвокат тутуш пурсити болмиған, аилиси сот учурини мәхпий тутуш һәққидә агаһландурулған.

Йәнә хәвәрдә дейилишичә, өткән айда борталадики җарқинбәк дегән кишиму икки оғлини қазақистан вәтәндашлиқи үчүн йолға салғанлиқи сәвәблик бөлгүнчилик билән әйиблинип, 10 йиллиқ кесилгән.

Йеқиндин буян уйғур районида қазақларға қарита зулумниңму ешиватқанлиқи һәққидә учурлар көпәймәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.