Xitay da'iriliri Uyghur diyarida "Bölgünchilik" we "Chiriklik" ke zerbe bérishni izchil dawamlashturidighanliqini tekitligen

Muxbirimiz sada
2018-09-26
Élxet
Pikir
Share
Print

"Shinjang géziti" ning 26-séntebir künidiki sanida "Aptonom rayon rehberliri ürümchi, qumul, altay we chöchekte xizmetlerni közdin köchürgende bölgünchilik we chiriklikke qarshi ikki qolda qattiq bolushni tekitlidi" serlewhilik xewer élan qilin'ghan.

Xewerde déyilishiche, Uyghur aptonom rayonluq partkomning da'imiy hey'iti, intizam tekshürüsh komitétining sékrétari yang shin mexsus bir xizmet guruppisi teshkillep, ürümchi, qumul, altay, chöchek qatarliq jaylarda neq meydan xizmetlirini közdin köchürgen. U bu jeryanda jaylardiki réwiziye we intizam tekshürüsh sistémisidikilerning "Ikki mes'uliyet" ni chongqur tonup, bir qolda "Bölgünchilik" ke, yene bir qolda "Chiriklik" ke qet'iy qarshi turushi zörürlükini tekitligen.

Xewerde körsitilishiche, yang shin bashchiliqidiki mezkur tekshürüsh guruppisi jaylardiki yerlik intizam tekshürüsh we réwiziye organliridin "Polattek intizam arqiliq partiye merkiziy komitétining shinjangni idare qilish istratégiyesige maslishish" we "Ikki yüzlimichi" lerni tazilashni qilche boshashturmay élip bérishni telep qilghan.

Mutexessislerning körsitishiche, Uyghur diyaridiki chékidin ashqan zulum we yighiwélish lagérliridiki milyonlighan insanlarning échinishliq qismetliri xelq'ara jem'iyetning küchlük diqqitini qozghawatqan bir mezgilde xitay da'irilirining rayonda "Bölgünchilik" ke qarshi dawamliq zerbe béridighanliqini tekitlishi Uyghurlar weziyitining yenimu éghirlishidighanliqidin bésharet béridiken.

Toluq bet