Uyghur diyaridiki siyasiy basturushning yenimu uzun dawam qilidighanliqi texmin qilinmaqta

Muxbirimiz eziz
2018-12-25
Élxet
Pikir
Share
Print

Xitay hökümiti idiyewi sahege baghlap ijra qiliwatqan basturush siyasitining yenimu uzaq mezgil we kölem da'iriside dawam qilidighanliqi "Shinjang géziti" ning 25-dékabirdiki sanida élan qilin'ghan türlük mezmunlardiki ipade bildürüsh herikitini da'imlashturush we uzun mezgil küchke ige qilish heqqidiki yolyoruqta roshen algha sürülidu.

Xewerde éytilishiche, Uyghur aptonom rayonluq partkom 24-dékabir küni ipade bildürüsh herikitini chongqurlashturush we omumlashturush heqqide mexsus yighin achqan. Yighinda shi jinpingning alaqidar yolyoruqliri boyiche mezkur ipade bildürüsh herikitini kölem, chongqurluq we zaman jehette téximu yuqiri pellige élip chiqish telep qilin'ghan.

Xewerdin melum bolushiche, bu xil ipade bildürüsh herikiti arqiliq barche kishilerning idiyewi qarishini birlikke keltürüsh, shu arqiliq jem'iyet tertipige "Buzghunchiliq" élip kelgüsi herqandaq amilgha makan qaldurmasliq nishan qilin'ghan. Shunga buningdin kéyin idiyewi jehettiki mesililerni teltöküs hel qilish we pütkül jem'iyetning küresh iradisini urghutush üchün bu xil ipade bildürüsh herikitini eng zor siyasiy wezipe qatarida ching tutush we ünümge ige qilish alahide tekitlen'gen.

Melum bolushiche, bu xil ipade bildürüsh heriketliri herqaysi jaylardiki ishchi-xizmetchiler, oqughuchilar, diniy zatlar qatarliq barche toplarning oxshash bolmighan sorunlarda kolléktip hemde yekke halda "Térrorluqqa, esebiylikke, milliy bölgünchilikke" qarshi turush heqqidiki meydanini ashkara ipadilishige qaritilghan iken.

Analizchilar bu heqte pikir qilip "Xitay hökümitining yéngi yil harpisida mushundaq bir yighinni échishi 2019-yilida Uyghurlar diyaridiki siyasiy weziyetning téximu qattiq bolidighanliqidin bérilgen bésharet," déyishmekte.

Toluq bet