Уйғурлар һәққидики үч хәвәрниң аптори«22-нөвәтлик инсан һәқлири ахбарат мукапати» ға еришти

Мухбиримиз әзиз
2018-05-15
Елхәт
Пикир
Share
Принт

Ахбарат саһәсидики пидакарлиқ вә җасарәтни тәқдирләш мәқситидә тәсис қилинған «инсан һәқлири ахбарат мукапати» ниң 22-нөвәтлик баһалаш нәтиҗиси йеқинда елан қилинди.

12-Май күни хоңкоңда елан қилинған мукапат тарқитиш мурасимида үч кишиниң уйғурлар һәққидә язған охшаш болмиған темилардики ахбарат әсәрлири үчүн бу мукапатқа еришкәнлики җакарланған.

Мәзкур мукапат комитетиниң тор бетидә берилгән хәвәрдә ейтилишичә, «базфед хәвәрлири» ниң хадими мега раҗагопалан, бирләшмә агентлиқниң мухбири геррий ши, «вал стрет журнили» ниң мухбири җош чин қатарлиқлар бу йилқи исимликкә киргән.

Булардин меганиң «21-әсирдики назарәт дөлити мана мушундақ болиду!», геррий шиниң «хитайдики уйғурлар» вә җош чинниң «шинҗаңдики он икки күн» намлиқ ахбарат әсәрлири хәлқарада зор тәсир қозғиғанлиқи һәмдә уйғурлар дияридики реаллиқни әң җанлиқ, чин вә тәпсилий шәкилдә баян қилғанлиқи үчүн ғайәт зор санда оқулған. Буларниң бәзилири хитайчиға тәрҗимә қилинип елан қилинған.

Мәлум болушичә, нөвәттә уйғурлар дияридики сиясий вәзийәт қаттиқлашқансери хәлқара ахбарат васитилири вә һәр саһә кишилириниң уйғурлар дияриға болған қизиқиши ешип бармақта икән.

Пикирләр (0)
Share
Толуқ бәт