Uyghurlar heqqidiki üch xewerning aptori"22-Nöwetlik insan heqliri axbarat mukapati" gha érishti

Muxbirimiz eziz
2018-05-15
Élxet
Pikir
Share
Print

Axbarat sahesidiki pidakarliq we jasaretni teqdirlesh meqsitide tesis qilin'ghan "Insan heqliri axbarat mukapati" ning 22-nöwetlik bahalash netijisi yéqinda élan qilindi.

12-May küni xongkongda élan qilin'ghan mukapat tarqitish murasimida üch kishining Uyghurlar heqqide yazghan oxshash bolmighan témilardiki axbarat eserliri üchün bu mukapatqa érishkenliki jakarlan'ghan.

Mezkur mukapat komitétining tor bétide bérilgen xewerde éytilishiche, "Bazféd xewerliri" ning xadimi méga rajagopalan, birleshme agéntliqning muxbiri gérriy shi, "Wal strét zhurnili" ning muxbiri josh chin qatarliqlar bu yilqi isimlikke kirgen.

Bulardin méganing "21-Esirdiki nazaret döliti mana mushundaq bolidu!", gérriy shining "Xitaydiki Uyghurlar" we josh chinning "Shinjangdiki on ikki kün" namliq axbarat eserliri xelq'arada zor tesir qozghighanliqi hemde Uyghurlar diyaridiki ré'alliqni eng janliq, chin we tepsiliy shekilde bayan qilghanliqi üchün ghayet zor sanda oqulghan. Bularning beziliri xitaychigha terjime qilinip élan qilin'ghan.

Melum bolushiche, nöwette Uyghurlar diyaridiki siyasiy weziyet qattiqlashqanséri xelq'ara axbarat wasitiliri we her sahe kishilirining Uyghurlar diyarigha bolghan qiziqishi éship barmaqta iken.

Toluq bet