Jorj washin'gton uniwérsitétida Uyghurlar heqqide yighin échilidu

Muxbirimiz eziz
2018.05.22

Amérika Uyghur birleshmisi, türkiyediki Uyghur akadémyisi we washin'gton shehiridiki Uyghur insan heqliri qurulushi teshkilatining ortaq sahibxaniliqida 25-may küni jorj washin'gton uniwérsitétida “Bügünki Uyghurlarda kimlik krizisi” témisidiki ilmiy muhakime yighini échilidu.

Uyghur akadémiyesining tor bétidiki yighin uqturushigha qarighanda, mezkur yighin shu küni seher sa'et 9:30 din chüshtin kéyin sa'et tötkiche dawam qilidighan bolup, nuqtiliq halda nöwettiki Uyghur jem'iyiti duch kéliwatqan kimlik krizisi hemde buninggha munasiwetlik mesililer muhakime qilinidiken.

Melum bolushiche, bu qétimqi yighinda Uyghur we amérikiliq mutexessislerdin rébékke kloséy, nuri türkel, luyiza gréw qatarliq yette kishi Uyghur milliy kimliki duch kéliwatqan türlük xirislar, xitay hökümitining qattiq qolluq basturush siyasitining Uyghur kimlikini qandaq weyran qiliwatqanliqi, bu ehwalning ma'arip saheside qandaq xirislarni peyda qiliwatqanliqi, shundaqla medeniyet jehettiki asmilatsiyening Uyghur jem'iyitige körsitiwatqan tesiri qatarliq mesililer boyiche öz qarashlirini bayan qilidiken.

Bu qétimqi yighin ammiwi pa'aliyetke mensup bolup, herqandaq shexs we kolliktépning qatnishishi, shuningdek munasiwetlik mutexessislerdin so'al sorishi qizghin qarshi élinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.