Уйғур елида бу йил қобул қилинидиған 5435 мәмурға шәрт қошулди

Мухбиримиз ирадә
2017-03-28
Елхәт
Пикир
Share
Принт

Хәлқ ториниң хәвиридин қариғанда, уйғур аптоном район даирилири бу йил «адәттин ташқири» тәдбир бойичә уйғур елиниң җәнубидики кадирлар қошунини толуқлашни асасий нуқта қилип туруп, җәмий 5435 нәпәр мәмур қобул қилидиғанлиқини җакарлиған.

Хәвәрдә, юқиридики 5435 хизмәт орни ичидә «аз санлиқ милләтләр тизимлитишқа болидиған хизмәт орунлири 75 пирсәнтни игиләйду» дейилгән. Чәтәлләрдики уйғур көзәткүчиләр, хәвәрдә уйғур аптоном районида хитайдин башқилар илтимас қилалмайдиған хизмәт орунлири барлиқини ениқ ипадә қилиш арқилиқ, хитай һөкүмитиниң милләтчилик нуқтиинәзири билән шәрт қоюп, өзлири чиқарған аптономийә қанунлириниму дәпсәндә қиливатқанлиқини ашкарилап қойғанлиқини һәмдә уйғур елида 47 аз санлиқ милләт барлиқини илгири сүрүватқан бир шараитта, юқиридики хизмәт орунлиридин уйғурларниң бәһримән болуш нисбитиниң интайин төвәнликини билдүрди.

Мәлум болушичә, юқиридики мәмурлуқ хизмитигә имтиһан берип өтүп, аптоном районниң һәр дәриҗилик органлириға қобул қилинидиған йеңи мәмурларға йәнә бултурқилардикидин пәрқлиқ һалда алди билән бир йил муддәт бойичә җәнубий шинҗаңдики үч вилайәт вә бир областниң йеза йәслилиригә берип оқутушқа ярдәм бериш шәрти қошулған болуп, көзәткүчиләр буни, хитай һөкүмитиниң йеқиндин буян җәнубтики йезиларда «қош тил йәслиләр» ни омумлаштуруш хизмитини қаттиқ күчәйтиш һәққидики сиясити билән мунасивәтлик, дәп қаримақта.

Пикирләр (0)
Share
Толуқ бәт