Uyghur élida bu yil qobul qilinidighan 5435 memurgha shert qoshuldi

Muxbirimiz irade
2017-03-28
Élxet
Pikir
Share
Print

Xelq torining xewiridin qarighanda, Uyghur aptonom rayon da'iriliri bu yil "Adettin tashqiri" tedbir boyiche Uyghur élining jenubidiki kadirlar qoshunini toluqlashni asasiy nuqta qilip turup, jem'iy 5435 neper memur qobul qilidighanliqini jakarlighan.

Xewerde, yuqiridiki 5435 xizmet orni ichide "Az sanliq milletler tizimlitishqa bolidighan xizmet orunliri 75 pirsentni igileydu" déyilgen. Chet'ellerdiki Uyghur közetküchiler, xewerde Uyghur aptonom rayonida xitaydin bashqilar iltimas qilalmaydighan xizmet orunliri barliqini éniq ipade qilish arqiliq, xitay hökümitining milletchilik nuqti'ineziri bilen shert qoyup, özliri chiqarghan aptonomiye qanunlirinimu depsende qiliwatqanliqini ashkarilap qoyghanliqini hemde Uyghur élida 47 az sanliq millet barliqini ilgiri sürüwatqan bir shara'itta, yuqiridiki xizmet orunliridin Uyghurlarning behrimen bolush nisbitining intayin töwenlikini bildürdi.

Melum bolushiche, yuqiridiki memurluq xizmitige imtihan bérip ötüp, aptonom rayonning her derijilik organlirigha qobul qilinidighan yéngi memurlargha yene bulturqilardikidin perqliq halda aldi bilen bir yil muddet boyiche jenubiy shinjangdiki üch wilayet we bir oblastning yéza yeslilirige bérip oqutushqa yardem bérish sherti qoshulghan bolup, közetküchiler buni, xitay hökümitining yéqindin buyan jenubtiki yézilarda "Qosh til yesliler" ni omumlashturush xizmitini qattiq kücheytish heqqidiki siyasiti bilen munasiwetlik, dep qarimaqta.

Toluq bet