Уйғур елидә йеқин кәлгүсидә 15 йиллиқ маарип омумлаштурулидикән

Мухбиримиз җүмә
2017-10-07
Елхәт
Пикир
Share
Принт

Хитай даирилириниң йеқини қарариға қариғанда, уйғур елидә йеқин кәлгүсидә 15 йиллиқ маарип омумлаштурулидикән. Бу 3 йиллиқ йәсли, 9 йиллиқ мәҗбурий маарип вә 3 йиллиқ толуқ оттура маарипини өз ичигә алидикән.

Шинхуа агентлиқиниң 7-өктәбир хәвәр қилишичә, мәзкур учурлар уйғур аптоном районлуқ маарип назарити елан қилған бир тәрәққият пиланида оттуриға қоюлған болуп, шундақ болғанда аталмиш «қош тиллиқ» мәктәпләрни пүттүргән оқуғучилар башқиларға қариған 3 йил ошуқ оқуйдикән.

Пиланға қариғанда, 2020-йилиға қәдәр уйғур елидики 98 пирсәнт бала 3 йиллиқ йәсли маарипиға елинидикән, униңдин кейин улар йәнә 9 йиллиқ мәҗбурий маарип бойичә тәрбийилинидикән.

Хәвәргә қариғанда буларниң йәнә 90 пирсәнти дегүдәк толуқ оттуриға чиқирилидикән.Һалбуки, бу 90 пирсәнт оқуғучиниң пәқәт 40 пирсәнтила кәспий мәктәпләр вә башқа университет дәриҗилик мәктәпләргә қобул қилинидикән.

Хәвәрдә буларниң ичидики қалған 60 пирсәнт оқуғучиниң 15 йиллиқ маарипни тамамлиғандин кейинки тәқдири һәққидә һеч нәрсә дейилмигән болсиму, әмма бу «аз санлиқ милләт оқуғучилириниң хитайчә йезиш вә сөзләшниң асасий билимлирини өзләштүридиған» лиқи көрситилгән.

«Қош тиллиқ маарип сиясити» 2000-йилидин башлап уйғур елидә мәҗбурий йолға қоюлушқа башлиған.

Даириләр йәнә өткән бир нәччә йилдин етибарән уйғур елидә аталмиш «қош тил» маарипиға селинидиған мәбләғни һәссиләп көпәйткән вә җәнубий уйғур елини асас қилған һалда йәсли қурулушини тезләткән иди.

Пикирләр (0)
Share
Толуқ бәт