Uyghur élida bu yil yenimu köp altun ishlepchiqirilidiken

Muxbirimiz irade
2017-02-09
Share

Xitay da'iriliri Uyghur élida bu yil altun ishlepchiqirish miqdarini yenimu ashurushni pilanlimaqta. Xelq torining xewiridin qarighanda, pilan'gha asasen bu yil jem'iy 22 tonna altun ishlepchiqirilip, bulturqidin 7.3% Ashurulidiken. Bultur Uyghur élida 20 tonnidin artuq altun ishlepchiqirilip, aldinqi bir yilgha qarighanda 6.5% Ashqan.

Uyghur élidiki kan bayliqlirining shiddet bilen échilishining muhitqa körsitiwatqan ziyini heqqide xitay ichi we sirtidiki mutexessisler xitay hökümitini agahlandurghan. Emma shundaq bolushigha qarimay, da'irilerning Uyghur élida kan bayliqlirini échish qedimini tézlitiwatqanliqi melum.

Chet'ellerdiki Uyghur közetküchiler buning bilen birge, xitay hökümitining bu bayliqlardin yerlik xelqlerge nep bermeywatqanliqini, bayliqlarni xitay ölkilirige toshughanni az dep, hedep xitay ölkilirining Uyghur éligha yardem bériwatqanliqini teshwiq qiliwatqanliqidinmu shikayet qilmaqta.

Uyghur éli xitaydiki on chong altun ishlepchiqirish rayonining biri bolup, Uyghur élida hazirghiche 600 din oshuq altun kan nuqtisi bayqalghan. Aldin mölcherlen'gen omumiy altun bayliqi miqdari 207 tonnidin ashidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.